Concentracións 19 de decembro de 2019

 

As mobilizacións previstas para o 19 de decembro son as seguintes:

A Coruña
Obelisco ás 20h

Santiago de Compostela
Praza do Toural ás 20h

Ferrol
Praza Amada García ás 20h

Lugo
Praza Maior ás 20h

Ourense
Praza Maior ás 20h

Pontevedra
Praza da Peregrina ás 20h

Vigo
Praza da Princesa ás 20h

 

Máis que nunca queremos liberdade, igualdade e xustiza para o galego

Difunde as mobilizacións previstas por Queremos Galego para este ano 2019. Aquí deixamos o manifesto e as imaxes para que poidas compartilas nas redes sociais:

Manifesto en PDF: Máis que nunca queremos galego. Liberdade, igualdade e xustiza para o galego

Manifesto en imaxe: Máis que nunca queremos galego. Liberdade, igualdade e xustiza para o galego

Cartaz Queremos Galego 2019: Máis que nunca queremos galego. Liberdade, igualdade e xustiza para o galego

Cartaz Queremos Galego 2019 para Instagram: Máis que nunca queremos galego. Liberdade, igualdade e xustiza para o galego

Cartaz Queremos Galego 2019 para Facebook: Máis que nunca queremos galego. Liberdade, igualdade e xustiza para o galego

Queremos Galego prevé unha manifestación masiva o 17 de maio

Reivindicarán o dereito a vivirmos en galego fronte aos ataques da Xunta

Marcos Maceira “O 17 de maio será unha manifestación festiva de orgullo de manter viva a lingua galega día a día

Santiago de Compostela, 12 de maio de 2018-. A plataforma cidadá Queremos Galego, composta por máis de 500 colectivos sociais de todo tipo, presentou hoxe o acto final da manifestación para o 17 de maio baixo o lema “En galego día a día”. A manifestación percorrerá as rúas de Santiago de Compostela saíndo ás 12h da Alameda. 

O voceiro de Queremos Galego, Marcos Maceira, acompañado de Nieves Rodríguez e membros da xestora da plataforma cidadá, informou dos diversos actos  nas comarcas galegas  para informaren da manifestación. Na webwww.queremosgalego.gal aparece recollida toda a información dos buses a disposición de todas as persoas que desexaren acudir a Compostela a impulsar a plena normalización da lingua galega desde máis de 20 localidades, desde Ribadeo á Guarda.

En galego día a día

Este día a día é o que consegue manter viva unha lingua que non só non conta con amparo institucional senón que recibe desamparo e agresividade sistemática tal como mostran decisións como a desaparición do Diario Cultural.

Co lema “En galego día a día” a plataforma cidadá pretende reivindicar o apoio social crecente á lingua galega que contrasta coa actitude da Xunta de Galiza que mantén un 155 lingüístico de facto. Segundo indicou o voceiro da Plataforma, Marcos Maceira, “en Galiza é o propio goberno galego, co presidente Feixó á cabeza, quen actúa como un vulgar delegado do goberno español, renegando das funcións que lle dá o estatuto de autonomía e da alta representación de Galiza que debería exercer”. Como consecuencia, sinalou, “o galego é o único idioma oficial do Estado que diminúe en falantes e carece de apoio do seu propio goberno”.

Queremos Galego reclamará este 17 de maio o día a día das persoas que fan que a lingua viva mais ás que se lles exixe un esforzo que non terían que facer se quixeren utilizar unha lingua plenamente normal.

Para Nieves Rodríguez, presidenta da Asociación de Actores e Actrices de Galiza, é necesario reivindicar a lingua porque as linguas non supoñen ningunha barreira e menos o galego en Galiza, porque como traballoras do audiovisual facemos contidos para galegas e galegos. “Como comunicadora que son non podo máis que defender a miña lingua”, concluiu.

Acto festivo e reivindicativo

O 17 de maio a manifestación de Queremos Galego será un acto festivo e reivindicativo a favor da lingua galega. Participarán centos de colectivos e entidades de ámbitos moi diversos que teñen en común a defensa da nosa lingua porque o galego é  o elemento que nos une. Marcos Maceira indicou tamén que “son miles as persoas que  demandan mudanzas que garantan a presenza da lingua propia de Galiza en todo e para todo”.

A manifestación rematará na praza da Quintana onde a comunicadora e actriz, Nieves Rodríguez, presidenta da Asociación de Actores e Actrices de Galiza e galardoada co premio á mellor comunicadora  nos premios Mestre Mateo deste ano polo seu traballo no programa Vaia Troula!, conducirá o acto final.

Haberá a lectura do manifesto En galego día a día por persoas destacadas de diferentes ámbitos como a xustiza ou a administración onde existen moitas trabas á hora de usar o galego. Actuarán para as miles de persoas Franki e os labregos da linguaxe co rap “Rapea, que a lingua non para” que é o manifesto gañador do Correlingua 2018. Estes rapaces e rapazas estudan no IES Antón Fraguas de Santiago de Compostela e son un exemplo de que o galego ten futuro.