Novos dados ponhem em evidência o estado de emergência linguística do galego com níveis de desconhecimento e emprego inéditos na história da língua. Som o resultado do predomínio e da hegemonia do castelhano intensificada nos últimos 15 anos com o aumento da exclusom do idioma próprio da Galiza da oferta em todos os âmbitos, nomeadamente no ensino, mas também no lazer infantil e juvenil, administraçom, justiça, televisom e audiovisual ou nas atividades comerciais e económicas. 

Assim o vimos denunciando desde há anos. A mobilizaçom social polo idioma da Galiza conseguiu que do Conselho da Europa ou a ONU dirigissem advertências à Junta da Galiza, e obrigou-na a aparentar uma mudança de atitude que nom se corresponde com a intensificaçom da agenda hostil com medidas legislativas para favorecer o desconhecimento do galego polo funcionariado, a possibilidade de deixar de usar o galego na CRTVG, a exclusom do galego na lei de inteligência artificial, ou a negativa a apoiar no parlamento as ações para a reativaçom do PGNLG e a oficialidade do galego na UE.