En momentos tan graves como o que estamos a vivir, para todas e todos nós é necesario recibirmos información clara e precisa. É un dereito e unha necesidade básica para o conxunto do pobo galego que debe ser correspondido polas autoridades públicas, cumprindo co seu deber e por tanto no idioma propio de Galiza, o que nos une a todas as galegas e galegos.
Porén, a lingua galega está a ser excluída da maior parte das informacións e mensaxes das autoridades públicas, tanto en comparecencias como en insercións publicitarias, incluídas as intervencións do presidente da Xunta que abandona o uso do noso idioma no exercicio das súas funcións, precisamente nos momentos de maior transcendencia.
A lingua galega é o principal elemento de cohesión social e de unidade do pobo galego. Respecto a ela os poderes públicos galegos teñen obrigas, tal e como sinala o artigo 5 do Estatuto de Galiza. Dirixirse a galegos e galegas na súa lingua é unha das súas obrigas e parte das responsabilidades dos seus representantes, en primeiro lugar do Presidente da Xunta, e nomeadamente cando se trata de informalo sobre cuestións que afectan de xeito fundamental á súa vida presente e futura como acontece na actualidade.
Probabelmente as comparecencias e mensaxes do Presidente da Xunta nestes días sexan as de maior importancia no exercicio da súa responsabilidade. Usando reiteradamente o castelán para se dirixir ao conxunto de galegas e galegos, redunda no xa coñecido e falso prexuízo que cosidera o galego unha lingua que só serve para funcións limitadas e inútil para o realmente importante. Desprezar o galego excluíndoo de mensaxes de tanta relevancia non só non contribúe á loita contra a epidemia senón que incide en prexuízos ideolóxicos sobre a nosa lingua e sobre Galiza.
O presidente da Xunta, até agora, sempre se dirixiu en galego ao conxunto da cidadanía e aos medios de comunicación galegos. Agora, nunha situación de crise sanitaria, a lingua galega non deixou de ser a lingua propia de Galiza e continúa a ser válida para a comunicación coa cidadanía.
Sr Feixoo: vostede é o presidente de Galiza e débese ás galegas e galegos antes que a ninguén. Negar a utilidade do galego, renunciando ao usalo como o seu máximo representante institucional é tamén negar a capacidade do pobo galego perante a crise.
Por iso, lembrámoslle que a súa obriga é defender todos os dereitos da cidadanía galega á que representa e iso é incompatíbel con converter a nosa lingua nunha outra vítima da COVID19. Exerza de Presidente, tome todas as medidas necesarias para preservar a nosa integridade e saúde e fágao en galego, a lingua do seu pobo.
Contra a epidemia precisamos unidade e esperanza no futuro. A unidade e o futuro precisan do galego. Para construírmolas conte connosco e con toda a nosa colaboración.
Nome e apelidos | Localidade | Actividade |
---|---|---|
Xosé CASTRO RATON | VILAGARCIA DE AROUSA | BANCARIO |
Jesús Barrio Gómez | Ourense-León | Profesor Educación Física |
Lorena García Barcia | Bertamirans | Enfermeira |
José Vilar Ferreiro | Vilariño Frío (Montederramo) | Xubilado |
Elsa Quintas Alborés | Vigo | Avogada |
Mª Anxos González Refoxo | A Coruña | Xubilada |
Concha Louzan Fernández | O Burgo-Culleredo | Mestra |
Noelia Pérez Fernández | Pontevedra | Tecnico en Emerxencias Sanitarias |
Carlos Vieito | Santa Comba | |
Antonia Martinez Diaz | Ferrol | Mestra |
BEATRIZ ROMERO | OLEIROS | Medica |
Alberto Blanco Rodríguez | Vigo | Técnico Emerxencias Sanitarias |
Manuel López Louxedo | A Fonsagrada | Gandeiro |
Marcos Fernández Rodríguez | Ourense | Xornalista |
MARÍA TAREIXA PEREIRO GARCÍA | FENE | Auxiliar Administrativa Concello de Ferrol |
Susana Méndez | Teo | Enfermeira, activista |
Xela Fernández Veloso | Ourense | Xubilada |
Iria Aldomar Dosouto | Ourense | Profesora |
NATALIA Penelo | Castroverde | En Paro |
Carmen Santos Alfonso | Lalín | Xubilada |
Paulo Carril Vazquez | Touro | |
Xesús Bermello | A Coruña | Profesor e sindicalista |
Xurxo Amadeo Soneira Regueiro | Cerceda | Estudante |
Camilo Pardo | A Coruña | Docente |
Serafín Núñez Pérez | Barbadás | |
Henrique García Vázquez | A Coruña | Docente |
Mónica Pazos Martínez | Foz | Profesora |
Manuel Servando Franqueira González | Sada | Pensionista |
Manuel Mª Carnicero Méndez-Aguirre | Ourense | Avogado |
Andres Porto Vilas Míguez | Santiago de Compostela | Educador Social |