En momentos tan graves como o que estamos a vivir, para todas e todos nós é necesario recibirmos información clara e precisa. É un dereito e unha necesidade básica para o conxunto do pobo galego que debe ser correspondido polas autoridades públicas, cumprindo co seu deber e por tanto no idioma propio de Galiza, o que nos une a todas as galegas e galegos.
Porén, a lingua galega está a ser excluída da maior parte das informacións e mensaxes das autoridades públicas, tanto en comparecencias como en insercións publicitarias, incluídas as intervencións do presidente da Xunta que abandona o uso do noso idioma no exercicio das súas funcións, precisamente nos momentos de maior transcendencia.
A lingua galega é o principal elemento de cohesión social e de unidade do pobo galego. Respecto a ela os poderes públicos galegos teñen obrigas, tal e como sinala o artigo 5 do Estatuto de Galiza. Dirixirse a galegos e galegas na súa lingua é unha das súas obrigas e parte das responsabilidades dos seus representantes, en primeiro lugar do Presidente da Xunta, e nomeadamente cando se trata de informalo sobre cuestións que afectan de xeito fundamental á súa vida presente e futura como acontece na actualidade.
Probabelmente as comparecencias e mensaxes do Presidente da Xunta nestes días sexan as de maior importancia no exercicio da súa responsabilidade. Usando reiteradamente o castelán para se dirixir ao conxunto de galegas e galegos, redunda no xa coñecido e falso prexuízo que cosidera o galego unha lingua que só serve para funcións limitadas e inútil para o realmente importante. Desprezar o galego excluíndoo de mensaxes de tanta relevancia non só non contribúe á loita contra a epidemia senón que incide en prexuízos ideolóxicos sobre a nosa lingua e sobre Galiza.
O presidente da Xunta, até agora, sempre se dirixiu en galego ao conxunto da cidadanía e aos medios de comunicación galegos. Agora, nunha situación de crise sanitaria, a lingua galega non deixou de ser a lingua propia de Galiza e continúa a ser válida para a comunicación coa cidadanía.
Sr Feixoo: vostede é o presidente de Galiza e débese ás galegas e galegos antes que a ninguén. Negar a utilidade do galego, renunciando ao usalo como o seu máximo representante institucional é tamén negar a capacidade do pobo galego perante a crise.
Por iso, lembrámoslle que a súa obriga é defender todos os dereitos da cidadanía galega á que representa e iso é incompatíbel con converter a nosa lingua nunha outra vítima da COVID19. Exerza de Presidente, tome todas as medidas necesarias para preservar a nosa integridade e saúde e fágao en galego, a lingua do seu pobo.
Contra a epidemia precisamos unidade e esperanza no futuro. A unidade e o futuro precisan do galego. Para construírmolas conte connosco e con toda a nosa colaboración.
Nome e apelidos | Localidade | Actividade |
---|---|---|
José Manuel Souto Lamas | Valdoviño | Xubilado |
XAN CARLOS GONZALEZ PEREZ | Teo | Promoción Turística |
Nicolasa Castro Monteiro | Pontedeume | Docente |
Julia Pérez Graña | Vigo | Sanidade |
Asociación Cultural Segredos de Pantón | Pantón | Asociación cultural |
Nosa Enerxía S.Coop.Galega | Vigo | Comercializadora de enerxía |
Eva Pérez Salgado | Vigo | Traballadora función pública |
Ángel Montero Campos | Valga | enerxía |
xulio g. costas | ourense | |
Iván García Campos | Coruña, A | Escritor |
Jose Castro Tasende | Carballo | Conductor |
Lucas Vázquez | Ourense | Enxeñeiro agrícola |
Xepe Torres Reino | Proupín | Ensino |
Marco Antón Loxo Vilas | Muros | Retirado |
Alexandre Fernández Fernández | Educador Físico Deportivo | |
Carme Fernández Perez-Sanjulián | A Coruña | Profesora UDC |
Laura Arrojo Reguera | Castroverde | Docebte |
leonisa rei castro | pontedeume | |
Marcos Xose Seoane Vazquez | Paiosaco- A Laracha | Autónomo |
Cándido Fernández Domínguez | O Carballiño | Docente |
Eduardo Álvarez González | Oleiros | Retirado |
XOSE MANOEL PAN MOSQUERA | A Coruña | Xubilado. Diácono |
Miguel Fernández Blanco | Santiago de Compostela | profesor |
Angeles Fernández Sánchez | Ferrol | Veterinaria |
XOSE ALFREDO FONTÁN | CALDAS DE REIS | TELECOMUNICACIÓNS |
Xosé Andrés Varela Fraga | Oleiros | Loxística |
Blanca Fernández Martínex | Mosteiro | |
Xosé Fco. Martínez Reboiras | Santiago de Compostela | Docencia |
Miguel Moreira Barbeito | Muel | Docente |
Xosé Antón García Ferreiro | Sigüeiro. Oroso | Xornalista |