En momentos tan graves como o que estamos a vivir, para todas e todos nós é necesario recibirmos información clara e precisa. É un dereito e unha necesidade básica para o conxunto do pobo galego que debe ser correspondido polas autoridades públicas, cumprindo co seu deber e por tanto no idioma propio de Galiza, o que nos une a todas as galegas e galegos.
Porén, a lingua galega está a ser excluída da maior parte das informacións e mensaxes das autoridades públicas, tanto en comparecencias como en insercións publicitarias, incluídas as intervencións do presidente da Xunta que abandona o uso do noso idioma no exercicio das súas funcións, precisamente nos momentos de maior transcendencia.
A lingua galega é o principal elemento de cohesión social e de unidade do pobo galego. Respecto a ela os poderes públicos galegos teñen obrigas, tal e como sinala o artigo 5 do Estatuto de Galiza. Dirixirse a galegos e galegas na súa lingua é unha das súas obrigas e parte das responsabilidades dos seus representantes, en primeiro lugar do Presidente da Xunta, e nomeadamente cando se trata de informalo sobre cuestións que afectan de xeito fundamental á súa vida presente e futura como acontece na actualidade.
Probabelmente as comparecencias e mensaxes do Presidente da Xunta nestes días sexan as de maior importancia no exercicio da súa responsabilidade. Usando reiteradamente o castelán para se dirixir ao conxunto de galegas e galegos, redunda no xa coñecido e falso prexuízo que cosidera o galego unha lingua que só serve para funcións limitadas e inútil para o realmente importante. Desprezar o galego excluíndoo de mensaxes de tanta relevancia non só non contribúe á loita contra a epidemia senón que incide en prexuízos ideolóxicos sobre a nosa lingua e sobre Galiza.
O presidente da Xunta, até agora, sempre se dirixiu en galego ao conxunto da cidadanía e aos medios de comunicación galegos. Agora, nunha situación de crise sanitaria, a lingua galega non deixou de ser a lingua propia de Galiza e continúa a ser válida para a comunicación coa cidadanía.
Sr Feixoo: vostede é o presidente de Galiza e débese ás galegas e galegos antes que a ninguén. Negar a utilidade do galego, renunciando ao usalo como o seu máximo representante institucional é tamén negar a capacidade do pobo galego perante a crise.
Por iso, lembrámoslle que a súa obriga é defender todos os dereitos da cidadanía galega á que representa e iso é incompatíbel con converter a nosa lingua nunha outra vítima da COVID19. Exerza de Presidente, tome todas as medidas necesarias para preservar a nosa integridade e saúde e fágao en galego, a lingua do seu pobo.
Contra a epidemia precisamos unidade e esperanza no futuro. A unidade e o futuro precisan do galego. Para construírmolas conte connosco e con toda a nosa colaboración.
Nome e apelidos | Localidade | Actividade |
---|---|---|
Agustín González Ferro | Ourense | Psicólogo |
Manuel Sanmartin González | O Grove | Xubilado |
Carmela Moure Lema | A Coruña | Docente |
Carme Carral Corbacho | Pontevedra | ensino |
Moisés Rivadulla Fernández | Santiago de Compostela | Tradutor e intérprete |
Xaime Pillado Silvoso | Cambados | Xubilado |
MANUEL BECEIRO FERNÁNDEZ | CACHEIRAS-TEO | XORNALISTA |
Maria Fernandez Fernandez | A Fonsagrada | Recepcionista |
Mariluz Barreiro Otero | Muros | Docente |
María Nogueira Rodriguez | Ourense | Atenciòn Primaria |
Marta Lopez Blanco | Vilamarin | Dependenta |
Dores Vidal Peón | ||
Rafael Rodríguez Martínez | Ferrol | Mestre |
RAQUEL COUTO ANTELO | A CORUÑA | ADMINISTRATIVA |
Maria Consuelo Carballal Balsa | Ferrol | Due e prodesora |
Nieves slvarez santamarina | Vigo | Medica |
Benigno Prol Bouzo | Ourense | Xubilado |
Carmen Cuesta | Ferrol | Profesora |
Pilar Alonso González | As Pontes | Xubilada |
José Manuel Díaz Martínez | Ferrol | Xubilado |
Xabier Pazos Fondevila | Lalín | Traballador |
Miguel López Torres | A Coruña | Traductor |
Xosé-Bieito Coello Coello | As Pontes | xubilado |
Fernando R. Dacosta | Vigo | Administración |
Chema Ramberde Irimia | Chantada | Veterinario |
Xela López Blanco | Ourense | Docente |
Xose Manoel Perez Dadin | Vilaboa | Informática |
águeda fraga pita | outeiro de rei | mestra xubilada |
Alberto Oubiña Piay | Pontevedra | Concelleiro de Normalización Lingüística de Pontevedra |
Monica Alonso | Lugo | Artista |