En momentos tan graves como o que estamos a vivir, para todas e todos nós é necesario recibirmos información clara e precisa. É un dereito e unha necesidade básica para o conxunto do pobo galego que debe ser correspondido polas autoridades públicas, cumprindo co seu deber e por tanto no idioma propio de Galiza, o que nos une a todas as galegas e galegos.
Porén, a lingua galega está a ser excluída da maior parte das informacións e mensaxes das autoridades públicas, tanto en comparecencias como en insercións publicitarias, incluídas as intervencións do presidente da Xunta que abandona o uso do noso idioma no exercicio das súas funcións, precisamente nos momentos de maior transcendencia.
A lingua galega é o principal elemento de cohesión social e de unidade do pobo galego. Respecto a ela os poderes públicos galegos teñen obrigas, tal e como sinala o artigo 5 do Estatuto de Galiza. Dirixirse a galegos e galegas na súa lingua é unha das súas obrigas e parte das responsabilidades dos seus representantes, en primeiro lugar do Presidente da Xunta, e nomeadamente cando se trata de informalo sobre cuestións que afectan de xeito fundamental á súa vida presente e futura como acontece na actualidade.
Probabelmente as comparecencias e mensaxes do Presidente da Xunta nestes días sexan as de maior importancia no exercicio da súa responsabilidade. Usando reiteradamente o castelán para se dirixir ao conxunto de galegas e galegos, redunda no xa coñecido e falso prexuízo que cosidera o galego unha lingua que só serve para funcións limitadas e inútil para o realmente importante. Desprezar o galego excluíndoo de mensaxes de tanta relevancia non só non contribúe á loita contra a epidemia senón que incide en prexuízos ideolóxicos sobre a nosa lingua e sobre Galiza.
O presidente da Xunta, até agora, sempre se dirixiu en galego ao conxunto da cidadanía e aos medios de comunicación galegos. Agora, nunha situación de crise sanitaria, a lingua galega non deixou de ser a lingua propia de Galiza e continúa a ser válida para a comunicación coa cidadanía.
Sr Feixoo: vostede é o presidente de Galiza e débese ás galegas e galegos antes que a ninguén. Negar a utilidade do galego, renunciando ao usalo como o seu máximo representante institucional é tamén negar a capacidade do pobo galego perante a crise.
Por iso, lembrámoslle que a súa obriga é defender todos os dereitos da cidadanía galega á que representa e iso é incompatíbel con converter a nosa lingua nunha outra vítima da COVID19. Exerza de Presidente, tome todas as medidas necesarias para preservar a nosa integridade e saúde e fágao en galego, a lingua do seu pobo.
Contra a epidemia precisamos unidade e esperanza no futuro. A unidade e o futuro precisan do galego. Para construírmolas conte connosco e con toda a nosa colaboración.
Nome e apelidos | Localidade | Actividade |
---|---|---|
Diego García Couso | Castro de Rei | Profesor |
miguel anjo gonzalez garcia | A Coruña | desempregado |
ROBERTO RODRIGUEZ FERNANDEZ | CANGAS | |
Pilar Gondar Vila | Ogrove | Coodadora |
María Gómez Piñeiro | O Porriño | Estudante |
Ramón Mª LOIS SANTOS | OLEIROS | ENXEÑEIRO TELECOMUNICACION |
Xose Ramil | Madrid | Comunicación |
Xesús Lantes | Verín | Xubilado |
Luisa Dopico Rey | Neda | Profesora |
Amalia Fernández Prieto | Pontevedra | Profesora |
Sara Gómez Piñeiro | O Porriño | Traballadora Social |
Filipe Diez | Tominho | Professor |
María Xosé Martínez Bengoa | Narón | Xubilada do Ensino |
EDUARDO MERA FERNÁNDEZ | Narón | Xubilado do Ensino |
Antia Cortizas Leira | A Coruña | Docente |
Xaquin Caamaño Ramos | Negreira | |
silvino oroza cordido | Burela | |
PILAR ESCARIZ QUINTAS | A Fonsagrada | |
Aurellioi Rey Froján | Portas | Enfermeiro |
Guillerme Fernández | Compostela | Músico |
Xesús García Díaz | Madrid | Enxeñeiro |
Rafael Soneira Do Canto | Sanntiago de Compostela | Reformado |
Manuel Álvarez Fernández | Navea | Xubilado |
Vicent Miralles Martí | València | Pensionista |
Antonio Agrelo | O Milladoiro | Informática |
Susana Gómez Vázquez | Oroso | Profesora de Educación Secundaria |
Maria Cristina Hermida Moinelo | Vigo | Reformada |
Francisco Luis Camposs Vaz | Ourense | Ensino |
María salvado López | Santiago de Compostela | Xubilada |
Manuel Da Cal Vasques | A Coruña | Agrarista |