En momentos tan graves como o que estamos a vivir, para todas e todos nós é necesario recibirmos información clara e precisa. É un dereito e unha necesidade básica para o conxunto do pobo galego que debe ser correspondido polas autoridades públicas, cumprindo co seu deber e por tanto no idioma propio de Galiza, o que nos une a todas as galegas e galegos.
Porén, a lingua galega está a ser excluída da maior parte das informacións e mensaxes das autoridades públicas, tanto en comparecencias como en insercións publicitarias, incluídas as intervencións do presidente da Xunta que abandona o uso do noso idioma no exercicio das súas funcións, precisamente nos momentos de maior transcendencia.
A lingua galega é o principal elemento de cohesión social e de unidade do pobo galego. Respecto a ela os poderes públicos galegos teñen obrigas, tal e como sinala o artigo 5 do Estatuto de Galiza. Dirixirse a galegos e galegas na súa lingua é unha das súas obrigas e parte das responsabilidades dos seus representantes, en primeiro lugar do Presidente da Xunta, e nomeadamente cando se trata de informalo sobre cuestións que afectan de xeito fundamental á súa vida presente e futura como acontece na actualidade.
Probabelmente as comparecencias e mensaxes do Presidente da Xunta nestes días sexan as de maior importancia no exercicio da súa responsabilidade. Usando reiteradamente o castelán para se dirixir ao conxunto de galegas e galegos, redunda no xa coñecido e falso prexuízo que cosidera o galego unha lingua que só serve para funcións limitadas e inútil para o realmente importante. Desprezar o galego excluíndoo de mensaxes de tanta relevancia non só non contribúe á loita contra a epidemia senón que incide en prexuízos ideolóxicos sobre a nosa lingua e sobre Galiza.
O presidente da Xunta, até agora, sempre se dirixiu en galego ao conxunto da cidadanía e aos medios de comunicación galegos. Agora, nunha situación de crise sanitaria, a lingua galega non deixou de ser a lingua propia de Galiza e continúa a ser válida para a comunicación coa cidadanía.
Sr Feixoo: vostede é o presidente de Galiza e débese ás galegas e galegos antes que a ninguén. Negar a utilidade do galego, renunciando ao usalo como o seu máximo representante institucional é tamén negar a capacidade do pobo galego perante a crise.
Por iso, lembrámoslle que a súa obriga é defender todos os dereitos da cidadanía galega á que representa e iso é incompatíbel con converter a nosa lingua nunha outra vítima da COVID19. Exerza de Presidente, tome todas as medidas necesarias para preservar a nosa integridade e saúde e fágao en galego, a lingua do seu pobo.
Contra a epidemia precisamos unidade e esperanza no futuro. A unidade e o futuro precisan do galego. Para construírmolas conte connosco e con toda a nosa colaboración.
Nome e apelidos | Localidade | Actividade |
---|---|---|
Yosua Martínez Rodríguez | A Coruña | Avogacía |
Laura Alvariño Vázquez | Cospeito | Enfermeira |
berta mosquera | A Coruña | Internacional |
Ana Varela Trigo | Cartagena,Murcia | Coidadora persoa dependente |
Martiña Fernández de la Torre | Cuntis | Hixienista dental |
Ángeles Martín Méndez | Pontevedra | Mestra |
Julián Bravo Rivero | Vilagarcía de Arousa | Informática |
María Pilar Brocos Fernández | Santiago de Compostela | profesora universitaria |
Rosana Posada Expósito | Burela | Xubilada |
CARME VILARIÑO VILARIIÑO | A Coruña | FORMACIÓN |
Xosé Bieito Legaspi Villamarín | Gondomar | profesor xubilado |
escolma libraría | o carballiño | libraría |
Sandra Irsheid Barros | Santiago de Composteka | profesoea |
Marta Dacosta López | Ferrol | profesora instituto |
Alicia Trashorras Madarro | Lugo | Educadora |
Adolfo Muíños Sánchez | Rianxo | Alcalde |
Lois Manoel Toirán Vázquez | Baralla | Mestre |
Maghúa Asociación Cultural | A Coruña | Música tradicional |
XOSÉ RAMÓN FEAL MARTÍNS | LUGO | FUNCIÓN PÚBLICA |
Xoán Antón Moreda Pinto | Foz | Reformado |
Eugenio Villaverde Rodríguez | Pontevedra | Xubiliado |
Xesús Méndez Rodríguez | Lugo | Xubilado |
Gonzalo Iván Vázquez Meijome | Santiago De Compostela | Docente |
Teresa Nieto | Vigo | Arquitecta |
Monica Nuñez Bua | Ourense | Integradora social |
XOAN MANUEL TUBÍO FERNÁNDEZ | OUTEIRO DE REI | LUTHIER |
Inácio Soto | Coles. | médico |
Mario César Vila | Santiago de Compostela | Arqueólogo |
Helena Suárez Estévez | Ourense | |
Eugenio Vázquez Méndez | Vigo | Ferroviario |